Ukrayna Prezidenti Volodimir Zelenski mayın 23-də Davosda Dünya İqtisadi Forumunun açılışında çıxış edəcək.
Gununsesi.info “Ukrinform”a istinadla xəbər verir ki, bunu Forumun spikeri Yann Tsolf bildirib.
“Hazırda dünya tarixi dönüş nöqtəsindədir və bu, bizdən mövcud geoiqtisadi və geosiyasi problemləri dərhal və tez həll etməyi tələb edir. Bu, Ukraynanın yüksək rütbəli nümayəndələri ilə birlikdə hökumətdə, biznesdə və cəmiyyətdə vəziyyətin inkişafını müzakirə etmək üçün vacib məqam olacaq”, – deyə Y.Tsolf bildirib.
Spiker vurğulayıb ki, Ukraynadakı inkişaf “qlobal birlik olaraq hamımıza” təsir edəcək.
Dünya İqtisadi Forumunun illik toplantısı mayın 22-26-da İsveçrənin Davos şəhərində keçiriləcək.
Gununsesi.info
