“Azərbaycan kimi kiçik bir ölkədə 50-dən çox müxalifət partiyanın olması anormaldır. Azərbaycan keçmiş Sovet məkanında ən çox internetdən istifadə edən ölkələrdən biridir. Çox saylı adı olan, özü olmayan cırtdan partiyaların sədrləri internet azadlığından istifadə edərək kimlərdənsə pul qopararaq sifarişlə yazılar yazır, faktiki qanmadan Azərbaycanın çaldığı şanlı qələbəsinə kölgə salmaq istəyirlər”.
Gununsesi.info-nun xəbərinə görə, bunu ABŞ-da yaşayan eks-spiker Rəsul Quliyev söyləyib.
Onun sözlərinə görə, 10 milyonluq azərbaycanlıların içərisində bir nəfər olsun Qarabağın azadlığına inanmayıb:
“Elə mənim özüm də ordumuzun işğal olmuş ərazilərimizi 2020 Senyabr 27-Noyabr 10-a qədər azad edəcəyinə inanmırdıq. Əslində hamı üçün, o cümlədən özünü müxalifət adlandıran nadanlar üçün bu gözlənilməz oldu. Mən demişdim, bir də təkrar edirəm, bu qələbə tək torpaqları azad etmək deyil, Azərbaycan öz müstəqilliyini təsdiq etdi. Mənim ölkənin şanlı qələbəsinə verdiyim qiyməti ucuzlaşdırmağa cəhd edən ünsürlər vardır. Aydındır ki, onlar sifarişlə mənim dediklərimi ölkəyə qayıtmaq üçün hakimiyyətə tərif söyləməyim kimi təqdim edirlər. Bu cılız insanlara yazığım gəlir. Azərbaycan Sovet məkanında öz torpaqlarını işğaldan azad etməyə nail olmuş yeganə ölkədir, sizlər bununla fəxr etməlisiniz, ay nadanlar.
Mən Azərbaycana qayıtmağa heç bir cəhd göstərmədən Azərbaycanın bu tarixi qələbəsini hələ axıra qədər işıqlandırmamışam. Bu qələbə mənim üçün Azərbaycana qayıtmaq arzumdan 100 dəfələrlə önəmlidir. Cənab cırtdanlar”.
Günay
Gununsesi.info
