“Forbes” rusiyalı milyarderlərin 49 ən varlı varislərinin cari ilin 10 mart tarixinə olan reytinqini açıqlayıb.
Gununsesi.info TASS-a istinadən xəbər verir ki, reytinqə azərbaycanlı iş adamı, “Lukoyl” şirkətinin təsisçisi Vahid Ələkbərovun oğlu Yusif Ələkbərov rəhbərlik edib. Onun mirası 20,5 milyard dollar təşkil edir.
Bildirilir ki, Y. Ələkbərov artıq bir neçə ildir ən varlı varis olaraq qalır.
Reytinqin ikinci pilləsində isə “EuroChem” şirkətinin təsisçisi Andrey Melniçenkonun qızı və oğlu Tara və Adrian Melniçenko yer alıb. Onların hər birinin mirası 12,5 milyard dollardır.
Üçüncü pillədə isə “Novatek” və “Sibur” şirkətlərinin sahibi Leonid Mixelsonun övladları qərarlaşıb. Onların mirası hər biri üçün 10,8 milyard dollar təşkil edir.
Gununsesi.info
