ABŞ Senatının restoran menyusunda 1908-ci ildən bəri hər gün təqdim edilən və hələ də məşhur olan yemək var. 120 ildir davam edən ənənənin maraqlı hekayəsi var. Bu heyrətamiz yeməyin tarixi və mənşəyi haqqında bilinən budur.
Gununsesi.info xarici mediaya istinadən xəbər verir ki, 1789-cu il martın 4-də ABŞ Senatı qurulduqdan sonra, bir əsrdən artıqdır ki, hər gün menyuda olan və bu gün də məşhur olan ənənəyə başladı.
Senat lobya şorbası:
1908-ci ildən Senat restoranının menyusunda olan bu şorba ucuz və dadlı variant kimi hər kəsin diqqətini çəkir.
Amma lobya şorbasının restoran menyusuna necə daxil olmasının arxasında bir hekayə var.
Senatın saytına görə, bu tələbin mənşəyi ilə bağlı bir neçə hekayə var, lakin heç birinin doğruluğu qəti şəkildə sübut olunmayıb.
İngilis media təşkilatı Uniladda yer alan xəbərə görə, bu ənənəni başlatan şəxs Aydaho ştatından Senat Restoranına nəzarət edən senator Fred Dubois sayılır.
İddiaya görə, Dübua hər gün menyuda lobya şorbası olması lazım olduğunu bildirən bir fərman çıxarmışdı və bu fərman hər gün icra olunurdu.
Bu şorba ilə kartof püresinin də verilməli olduğu da bildirilir.
Başqa bir hekayə Minnesota senatoru Knute Nelsona əsaslanır. 1903-cü ildə Nelson lobya şorbasının Senat restoranında daimi yemək olmasını müdafiə etdi.
Menyuda lobya şorbasının əskik olduğu yeganə vaxt 14 sentyabr 1943-cü il idi.
İkinci Dünya Müharibəsi zamanı tətbiq edilən rasion sistemi səbəbindən şorba üçün lazım olan lobya təmin oluna bilmədi.
Ertəsi gün Washington Times-Herald, lobya şorbasının artıq menyuda olmadığını bildirdi. Lakin senator Bob Dole 1988-ci ildə etdiyi çıxışda bunu zarafatla belə ifadə etdi: “Nəysə ertəsi gün daha çox lobya tapıldı və o vaxtdan bəri fasiləsiz olaraq lobya şorbası verilir”.
Senat lobya şorbası zamanla fərqli varyasyonlarda verilməyə başlandı. Bəzən şorbaya vetçina əlavə edilirdi, bəzən isə onun yerinə ətli bulyon istifadə edilirdi. Bu yemək Senatın ənənəvi mətbəxinin əvəzsiz hissəsinə çevrilib.
Orxan
