Erməni təxribatı ilə bağlı Azərbaycan Fransaya nota verəcək - FOTO

“Fransanın Klermon-Ferrand şəhər meydanında qanunsuz erməni separatçılarının əsgi parçasının asılması ilə əlaqədar Fransa Xarici İşlər Nazirliyinə nota ünvanlanacaq”.

Bu barədə Oxu.Az-ın sorğusuna cavab olaraq Azərbaycan Respublikasının Fransadakı Səfirliyindən bildirilib.

Qeyd edilib ki, bundan başqa, prefektura rəhbərliyinə məktub göndərilib və Azərbaycanın ərazi bütövlüyünə qarşı olan, habelə Fransa qanunvericiliyinin pozulması hesab edilən bu addımla bağlı müvafiq araşdırmanın aparılması və açıqlamanın verilməsi tələb olunub.

Fransanın Klermont-Ferrand şəhərindəki meydanlardan birinə qondarma erməni soyqırımı iddiası ilə “Ermənistan” adı verilib.

Gununsesi.info xəbər verir ki, bu barədə sosial şəbəkələrdə məlumat paylaşılıb.

Hətta bu münasibətlə keçirilən tədbirdə qondarma Artsaxın əsgi parçasının dalğalandırıldığı da qeyd olunub.

Qeyd edək ki, Fransa həm də ATƏT-in Minsk qrupunun həmsədridir.

Gununsesi.info