Rusiya Silahlı Qüvvələrinin 24 fevral tarixindən bu günədək Ukraynada itirdiyi canlı qüvvə və hərbi texnikasının sayı açıqlanıb.
Gununsesi.info xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Məlumatda qeyd olunur ki, təxminən dörd aydır ki, davam edən döyüşlər nəticəsində Rusiyanın 32 750 hərbçisi zərərsizləşdirilib.
Bundan başqa, hücum edən tərəfin 1 440 ədəd tankı, 3 528 ədəd zirehli döyüş maşını, 722 ədəd artilleriya sistemi, 230 ədəd RYAS-i (reaktiv yaylım atəş sistemi), 97 hava hücumundan müdafiə sistemi, 213 ədəd hərbi təyyarəsi, 179 ədəd helikopteri, 2 485 ədəd nəqliyyat vasitəsi və avtoçən, 13 ədəd gəmi-kateri, 591 ədəd dronu, 129 qanadlı raket və 55 ədəd xüsusi texnikası məhv edilib.
Gununsesi.info
