İspaniyanın “Real” klubunun futbolçusu Qaret Beyl yenidən İngiltərədə çıxış edəcək.
Gununsesi.info-nun məlumatına görə, 31 yaşlı hücumçu sabiq komandası “Tottenhem”lə anlaşıb.
Klublar arasında razılığa əsasən, Uels millisinin üzvü 2020/21 mövsümünü icarə əsasında Premyer Liqa təmsilçisində keçirəcək. Beyl yeni komandasında tibbi müayinədən keçmək və münasibətləri rəsmiləşdirmək üçün sentyabrın 18-də Londona yollanacaq.
Qeyd edək ki, Qaret Beyl 2007-2013-cü illərdə “Tottenhem”in heyətində 203 oyun keçirib, 56 qol, 58 məhsuldar ötürmə ilə yadda qalıb.
Gununsesi.info
