“Tottenhem” klubu texniki qələbə ilə mərhələ adlayıb

  • By admin
  • 25 Sentyabr 2020 17:00

İngiltərə Liqa Kubokunun 1/16 final mərhələsinin təxirə salınan “Leyton Orient” – “Tottenhem” oyunu ilə bağlı qərar verilib.

 

Gununsesi.info-nun məlumatına görə, London təmsilçisi meydana çıxmadan mərhələ adlamağı bacarıb.

 

Buna səbəb təşkilatçıların aşağı liqa klubuna texniki məğlubiyyət verməsidir. Sentyabrın 22-də baş tutmalı olan qarşılaşma “Leyton Orient”in bir neçə futbolçusunda koronavirus pandemiyasına yoluxma halı aşkarlandığından təxirə salınmışdı. Artıq “Tottenhem”in 1/8 final mərhələsinə adladığı açıqlanıb.

 

Joze Mourinyonun yetirmələri növbəti raundda “Çelsi” ilə London derbisində üz-üzə gələcək. Bu oyun sentyabrın 29-da baş tutacaq.

 

 

Gununsesi.info