Ukraynanın Rusiya Federasiyasına qarşı terror müharibəsi yeni mərhələyə qədəm qoyub.
Gununsesi.info xəbər verir ki, bu barədə Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik brifinqdə bildirib.
Onun sözlərinə görə, Ukrayna və onun Avropa müttəfiqləri mülki əhaliyə qarşı terrorun və müharibə cinayətlərinin müharibə aparmaq üçün norma olduğunu sübut etməyə çalışırlar.
Miroşnik vurğulayıb ki, bununla onlar beynəlxalq humanitar hüququn fundamental norma və prinsiplərini pozurlar.
Diplomat əlavə edib ki, nə Ukrayna, nə də onun nəzarətçiləri Ukrayna silahlı qüvvələrinin böyük itkilərini etiraf etmək istəmirlər. Onlar həqiqəti gizlədir və Kiyevin cəzalandırılmasının qarşısını almağa çalışırlar.
Eyni çıxışı zamanı Miroşnik bildirib ki, Britaniya və Aİ üzv dövlətləri tərəfindən Ukraynaya ötürülən maliyyə resursları və silahlar Rusiya mülki əhalisinin məhv edilməsi üçün maliyyələşdirmə təşkil edir. Rusiya Xarici İşlər Nazirliyinin səfiri əlavə edib ki, 2025-ci il ərzində Ukrayna Silahlı Qüvvələrinin hücumları nəticəsində 6500 nəfər yaralanıb.
