Ceyhun Bayramov Əli Kərimli ilə bağlı suala cavab verdi

  • Müəllif: Orxan
  • 18 Noyabr 2026 11:49

Azərbaycanın xarici işlər naziri Ceyhun Bayramov “Politico” jurnalistinin Əli Kərimli ilə bağlı sualına cavab olaraq bildirib ki, müxalifət təmsilçisi olmaq heç kəsi hüquqi məsuliyyətdən azad etmir.

Gununsesi.info xəbər verir ki, XİN rəhbəri bunu Bakıda Almaniyanın xarici işlər naziri Yohan Vadefulla birgə mətbuat brifinqində deyib.

“Politico”nun jurnalisti Əli Kərimlinin həbsi və barəsində aparılan məhkəmə prosesi ilə bağlı Avropada səslənən narahatlıqlara toxunub. O, Bayramovdan bu narahatlıqları və məsələnin Azərbaycandakı investisiya mühitinə mümkün təsiri barədə xəbərdarlıqları necə qiymətləndirdiyini soruşub.

C. Bayramov hər kəsin qanun qarşısında bərabər olduğunu vurğulayıb. Onun sözlərinə görə, hüquqi araşdırma Azərbaycan qanunvericiliyinə uyğun aparılır və məhkəmənin yekun qərarı suallara cavab verəcək.(Modern.az)

Gununsesi.info