Ukraynanın xarici işlər naziri Andrey Sibiqa G7 sammitinin Kiyevi dəstəkləmək və Moskvaya təzyiqi artırmaq qərarlarını alqışlayıb və Rusiyanı danışıqlara razı salmaq üçün “rıçaqlardan” istifadə etməyə çağırıb.
Gununsesi.info-nun xəbərinə görə, paylaşım onun sosial media səhifəsində dərc olunub.
Sibiqa “ton və qiymətləndirmələrdə müsbət dəyişiklikləri, eləcə də Ukrayna ilə G7 müttəfiqlərimiz arasında daha sıx uyğunluğu” qeyd edib.
“Biz belə birliyi və gücü alqışlayırıq. G7 bir daha dünyanın ən güclü demokratiyalarının Ukrayna ilə bir olduğunu və Ukraynada hərtərəfli, ədalətli və davamlı sülhün bərpasına sadiq olduğunu nümayiş etdirir. Bu, Ukraynanın yüksək qiymətləndirdiyi mühüm bir dəstək siqnalıdır”, – deyə Ukrayna xarici işlər naziri yazıb.
Nazir iddia edir ki, guya Rusiyanın danışıqlara hazır olmadığını göstərir, buna görə də “mövcud təsir vasitələrindən istifadə edərək nəhayət danışıqlar masasına gətirmək lazımdır”.
Maqsud
