Aprel ayında İstanbul şəhərində verdiyi konsertdə “Daha əvvəl “İmam Hatip”də təhsil almışdı, əxlaqsızlığı bundandır”, – dediyi üçün məhkəmə qarşısına çıxarılan türkiyəli ifaçı Gülşən Çolakoğlu daha bir görüntü ilə gündəm olub.
Kadrlar Ereyli şəhərində iyulun 23-də keçirilən festivaldandır. Videoda tədbir çərçivəsində səhnəyə çıxan Gülşənin azan səsini eşitdikdən sonra ifasını yarımçıq qoyduğu görünür.
“Qulaq asaq, sonra davam edək, yaxşımı?” – deyə o müraciət edir. Tamaşaçılar müğənninin istəyinə alqışlarla cavab verirlər.
Xatırladaq ki, Gülşən aprel ayında konsertdə dediyi sözlərinə görə ötən həftə həbs edilmiş vəkilinin etirazından sonra isə dörd gün sonra ev dustaqlığı şərti ilə azadlığa çıxmışdı. O, Ataşehirdəki konsertindən qeydə alınan bu qısa görüntünün aylar sonra tirajlanmasını təxribat məqsədi daşıdığını deyib.
Yeri gəlmişkən, onu da qeyd edək ki, Gülşənə qarşı “xalqı açıq-aşkar kin və düşmənçiliyə təhrik etmək, onları alçaltmaq” ittihamı ilə 702 nəfərin şikayətçi qismində iştirak etdiyi iddianamə hazırlanıb. İttiham aktı bir ildən üç ilə qədər azadlıqdan məhrumetmə istəyi ilə Birinci İnstansiya Cinayət Məhkəməsinə göndərilib.
Gununsesi.info
