Bazar ertəsi gecə Stokholmun iki rayonunda iki partlayış baş verib, polis əməliyyat keçirir.
Gununsesi.info xəbər verir ki, bu barədə “Avropa həqiqəti” yazır.
Bazar ertəsi səhər saat 03:00-dan bir qədər sonra polis və təcili yardım xidmətləri Stokholmun qərbində partlayışın baş verdiyi Qrimsta rayonuna çağrılıb. Səhər saatlarında polis sözçüsü Ola Osterlinq bildirib ki, yaşayış binasına ciddi ziyan dəyib. Hadisə ilə bağlı polis müxtəlif cinayətlər törətməkdə şübhəli bilinən 4 nəfəri həbs edib.
Hazırda Stokholmun qərb hissəsində polisin genişmiqyaslı əməliyyatı davam edir. Məhkəmə-tibb ekspertləri hadisə yerinə baxış keçirir, polis ictimai təhlükəli dağıntı faktı ilə bağlı ilkin araşdırmalara başlayıb.
Saat 04:30-a az qalmış Stokholmda daha bir partlayış baş verib – bu dəfə cənub Baqarmossen rayonunda. Səhər saatlarında ümumi təhlükəli dağıntı və təhdidlərdə iştirak etməkdə şübhəli bilinən bir nəfər həbs edilib.
“Bu kiçik bir partlayış idi, heç kim fiziki xəsarət almayıb, lakin biz Baqarmossen və Stokholmun cənubunda fəaliyyət göstəririk”, – Ola Osterlinq bildirib.
Beləliklə, gecə baş verən partlayışlardan sonra 5 nəfər həbs edilib. Polis hələ Baqarmossen və Qrimstadakı partlayışlar arasında birbaşa əlaqə görmür, lakin ehtimalı araşdırır.
“Milad bayramı həftəsonu və sonrakı günlərdə baş verən partlayışlar, atışma və qətllər arasında əlaqənin olduğunu istisna etmirik”, – deyə polis bildirib.
Gununsesi.info
