Gununsesi.info xəbər verir ki, onun sözlərinə görə, müxtəlif sahələrdə fəaliyyət göstərən iş adamları eyni problemi qeyd edirlər – dövriyyədə pul və likvidlik azalıb, satış və sifarişlərdə kəskin eniş müşahidə olunur.
Cəfərli bildirir ki, avtomobil və əmlak bazarında durğunluq, idxalın azalması və iqtisadi artımın zəifləməsi bu vəziyyəti daha da aydın göstərir.
İqtisadçı hesab edir ki, problemin əsas səbəblərindən biri dövlət büdcəsi xərclərində aparılan qənaət siyasətidir.
Onun fikrincə, Azərbaycan iqtisadi modeli uzun müddət büdcə xərclərinə əsaslanaraq formalaşıb və bu vəsaitlər iqtisadi dövriyyənin əsas hərəkətverici qüvvəsi olub.
Cəfərli qeyd edir ki, büdcə xərclərinin kəskin azaldılması, satınalmaların və tikinti-təmir layihələrinin ya dayanması, ya da əhəmiyyətli dərəcədə azalması iqtisadi zəncirdə “donmaya” səbəb olur.
Nəticədə dövlət sifarişləri ilə işləyən şirkətlərin fəaliyyətində geriləmə yaranır və bu, ardıcıl olaraq bütün biznes sektoruna təsir göstərir.
O, vəziyyəti belə izah edir ki, dövlət sifarişi ilə işləyən şirkətlər ödəniş gecikmələri səbəbindən öz öhdəliklərini yerinə yetirə bilmir, bu isə zəncirvari şəkildə həm təchizatçıları, həm xidmət sektorunu, həm də pərakəndə ticarəti çətin vəziyyətə salır.
Cəfərlinin qənaətinə görə, büdcə xərclərinin qəfil və kəskin azaldılması iqtisadi aktivliyi zəiflədir və ümumi dövriyyənin azalmasına gətirib çıxarır.
Elmar
