Ədalət, Hüquq, Demokratiya (ƏHD) Partiyasının İdarə Heyətinin üzvləri milli-azadlıq hərəkatının lideri, eks-prezident Əbülfəz Elçibəyin məzarını doğum günü münasibətilə ziyarət ediblər.
ƏHD Partiyasının mətbuat xidmətindən Gununsesi.info-ya verilən məlumata görə, partiyanın rəhbərliyi və üzvləri Əbülfəz Elçibəyin məzarının önünə əklil və gül dəstələri qoyublar.
ƏHD Partiyasının sədri, deputat Qüdrət Həsənquliyev Elçibəyin həyat yolu, Azərbaycan tarixindəki yeri və ideyaları ilə bağlı fikirlərini bölüşüb.
Daha sonra Əbülfəz Elçibəyin ruhuna fatihə oxunub.
