İran və İsveç vətəndaşlığı olan şəxs “Mossad”a casusluq ittihamı ilə edam ediləcək.
Gununsesi.info xəbər verir ki, bu barədə İran mətbuatı məlumat yayıb.
“İran və İsveç vətəndaşı Əhməd-Rza Cəlali İsrailin xarici kəşfiyyat agentliyi Mossada casusluq etdiyi üçün İran Ali Məhkəməsinin qərarı ilə mayın 21-dək edam ediləcək”,- məlumatda deyilir.
Qeyd olunun ki, Cəlali Mossada İranın nüvə proqramı ilə bağlı məxfi məlumat verib və bu, həmin ölkədə iki nüvə aliminin qətlinə səbəb olub. Onlardan biri 27 noyabr 2020-ci ildə İranda öldürülən aparıcı iranlı nüvə fiziki Möhsün Fəxrizadədir. İran rəsmiləri və ekspertlərinin fikrincə, qətldə İsrail kəşfiyyat xidmətlərinin əli olub.
Gununsesi.info
