Spirtli içkilər çox kilokalori ehtiva etmir, buna görə əksəriyyət bir neçə qədəh şərab və ya pivənin çəkiyə təsir etməyəcəyinə inanır. Lakin bu fikir yanlışdır. Alkoqol insulinin intensiv istehsalına səbəb olur ki, bu da yağların çökməsinə və nəticədə çəki artımına kömək edir.
Gununsesi.info xəbər verir ki, bu barədə məşhur diyetoloq Yelena Solomatina danışıb.
O, “Sputnik” radiosuna müsahibəsində qeyd edib ki, pivə və pomidor şirəsi eyni miqdarda kilokalori ehtiva edir, lakin bu içkilər orqanizmə müxtəlif təsir göstərir. Spirtli içki qəbul edərkən qanda qlükoza səviyyəsi kəskin şəkildə yüksəlir, buna görə insulin buraxılmağa başlayır. İnsulin artıq qlükozanı çıxara bilməyən, lakin yağların yığılmasına fəal kömək edən bir hormondur. Alkoqolun başqa bir mənfi təsiri də var. Solomatinanın sözlərinə görə, həzm prosesini pozur.
“Etil spirti toksindir. Bu maddənin zərərsizləşdirilməsi zamanı orqanizmdə bütün digər proseslər ləngiyir. Etanol insan beynini zədələyənə qədər qaraciyər onu emal edib bədəndən çıxarmalıdır. Ona görə də etanol qidanın həzm sürətini ləngidir”, – diyetoloq xəbərdarlıq edib.
Gununsesi.info
